Bach a Mawr is a comparison book for little ones. It received a warm welcome as it reached number one in the July sales chart. It was chosen as Book of the Month, July 2023, by the Welsh Book Council.

Llyfr bach hwyliog ydi Bach a Mawr fydd o gymorth, gobeithio, i gyfoethogi iaith plantos bach. Mae arddull y gyfrol yn debyg iawn i’r llyfrau yn fy nghyfres Byd Natur (Gwasg Carreg Gwalch), gyda byd natur yn ganolog o ran testun (anifeiliaid gwahanol sy’n cael eu cymharu yma).

O ran arddull weledol y llyfr, fel yn fy nghyfres Byd Natur, peintio strwythurau gwahanol a gludo yn y dull collage oedd fy nhechneg wrth i mi fynd ati i greu. Dwi wrth fy modd yn gweithio yn y modd yma gan ei fod yn ddull reit organig o weithio ac mae’n cynnig dipyn o hwyl a lliw, sy’n addas iawn wrth fynd ati i greu llyfrau i blant wrth gwrs. Mae’r cyfrifiadur yn gymorth i fireinio agweddau gwahanol yn y camau olaf cyn y cysodi terfynol a’r argraffu.